Natascha Kampusch trifft
| Natascha Kampusch trifft | |
|---|---|
 | |
| Տեսակ | հեռուստահաղորդում |
| Ժանր | թոք շոու |
| Ստեղծող | Նատաշա Կամպուշ |
| Արտադրող երկիր |  Ավստրիա |
| Լեզու(ներ) | գերմաներեն |
| Հեռարձակում | |
| Ալիք | Puls 4? |
| Սկզբնական եթեր | հունիսի 1, 2008 – հոկտեմբերի 5, 2008 |
«Natascha Kampusch trifft», թոք-շոու, որը հեռարձակվել է 2008 թվականին ավստրիական «Puls 4» հեռուստաալիքով։ Հաղորդման վարողը Նատաշա Կամպուշն էր։ Ի սկզբանե նախատեսված էր թողարկել 6 հաղորդում, սակայն նկարահանվեց ընդամենը 3-ը՝ Նիկի Լաուդայի, Շտեֆան Ռուզովիցկու և Վերոնիկա Ֆերրեսի հետ։ Շոուի վերաբերյալ գրախոսների արձագանքներն ընդհանուր առմամբ դրական էին[1]։
Ստեղծման պատմություն
[խմբագրել | խմբագրել կոդը]Սկզբնավորում
[խմբագրել | խմբագրել կոդը]10-ամյա Նատաշա Կամպուշին առևանգել էր տեխնիկ Վոլֆգանգ Պրիկլոպիլը և ավելի քան 8 տարի պահել մեկուսացված։ Փախուստից անմիջապես հետո աղջիկը գրավել է մամուլի ուշադրությունը։ Նա ինքնակամ առաջարկել է ստեղծել թոք-շոու, որտեղ վարողն ինքն է լինելու։ Կամպուշն ասել է, որ ցանկանում է դադարեցնել հեռուստահաղորդումների և թերթերի պասիվ առարկա լինելը և ձեռնամուխ լինել տեղեկատվական միջավայրի ստեղծմանը[2]։
Կամպուշի հետ աշխատող հոգեբանները նրա նախաձեռնությունը համարում էին արդյունք այն բանի, որ աղջկան հաջողվել է հաղթահարել մարդկանց հանդեպ անվստահությունը[2]։ Կամպուշը հաճախ է հանդես եկել հեռուստատեսությամբ, և հոգեբանների կարծիքով այդ փորձը նրան կօգներ արագ յուրացնել նոր մասնագիտությունը[2]։
Ծրագրվում էր Կամպուշի՝ անգլերեն սովորելուց հետո հաղորդումը հասցնել միջազգային մակարդակի[2]։
Նկարահանումներ
[խմբագրել | խմբագրել կոդը]2007 թվականի վերջին հայտարարվեց, որ Կամպուշի շոուի պրոդյուսերությունն իր վրա կվերցնի «SevenOne Media» ընկերությանը։ Որպես հաղորդման աշխատանքային անվանում՝ ընտրվեց հետևյալը՝ «Natascha Kampusch im Gespräch mit…» (հայերեն՝ Նատաշա Կամպուշը զրուցում է ․․․-ի հետ)։ Այդ ժամանակ էլ հայտնի դարձավ, որ առաջին հաղորդումը նկարահանվելու է 2008 թվականի ապրիլին[3]։
Առաջին հաղորդման ժամանակ հաղորդավարուհու զրուցակիցը «Ֆորմուլա 1»-ի ավտոարշավորդ Նիկի Լաուդան էր։ Վերջինս ասում էր, որ ի սկզբանե կասկածամտորեն է վերաբերել առևանգման զոհին հարցազրույց տալու գաղափարին։ Ավտոարշավորդի խոսքերով՝ նկարահանումներից առաջ ինքը հանդիպել է Կամպուշին, որպեսզի պարզի՝ ինչպիսին են նրա մտադրությունները[4]։ Հաղորդման նկարահանումներն անցկացվել են Վիեննայում։ Ցուցադրության ժամանակ հաղորդումը դիտել է 114 000 հեռուստադիտող[5]։
Ենթադրվում էր, որ հաղորդումը թողարկվելու է ամսվա մեջ մեկ անգամ, որպեսզի Կամպուշը հնարավորություն ունենա կրթություն ստանալու դպրոցում[4]։
Հաղորդումների ցանկ
[խմբագրել | խմբագրել կոդը]| Ցուցադրություն | Հյուր | Նկարահանումներ | Նկարահանման վայր | Դիտորդներ | Վարկանիշ |
|---|---|---|---|---|---|
| 2008 թվականի հունիսի 1 | Նիկի Լաուդա | ապրիլ, 2008 թվական | Վիեննա | 114 000 | 4,7 % |
| 2008 թվականի օգոստոսի 17 | Շտեֆան Ռուզովիցկի | հուլիս, 2008 թվական | Վիեննա | 32 000 | 1,4 % |
| 2008 թվականի հոկտեմբերի 5 | Վերոնիկա Ֆերրես | սեպտեմբեր, 2008 | Մյունխեն | 46 000 | 1,7 % |
Քննադատություն
[խմբագրել | խմբագրել կոդը]Կամպուշը ենթադրում էր, որ հանրության առջև ելույթ ունենալու և սեփական հաղորդաշար վարելու իր որոշումը կարժանանա քննադատության[4]։ Սակայն գրախոսների և հեռուստադիտողների արձագանքները հիմնականում դրական էին[1]։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ 1,0 1,1 «"Sehr glücklich":Kampusch über die Reaktionen auf ihre Talkshow erfreut» (գերմաներեն). Der Standard. 03.06.2008. Վերցված է 2013 թ․ օգոստոսի 2-ին.
- ↑ 2,0 2,1 2,2 2,3 «Жертва похищения станет ведущей ток-шоу». Lenta.ru. 06.12.2007. Վերցված է 2013 թ․ օգոստոսի 2-ին.
- ↑ «Eigene Talkshow für Natascha Kampusch» (գերմաներեն). Kronen Zeitung. 06.12.2007. Վերցված է 2013 թ․ օգոստոսի 2-ին.
- ↑ 4,0 4,1 4,2 «Наташа Кампуш, которая провела 8 лет в плену у маньяка, стала ведущей ток-шоу». NEWSru.com. 30.05.2008. Արխիվացված է օրիգինալից 2016 թ․ մարտի 4-ին. Վերցված է 2013 թ․ օգոստոսի 2-ին.
- ↑ «Mittelmäßige Quote für "Natascha Kampusch trifft ..."» (գերմաներեն). DiePresse. 02.06.2008. Վերցված է 2013 թ․ օգոստոսի 2-ին.